Jorunn sin blogg

Ok. No tenkte eg at eg at eg skulle blogge om den sogeomsuste iPadden. Er det forresten lov å skrive padden og podden? Uansett. Sjøvl om eg innerst inne ikkje hadde forventa noko anna av Apple, så håpa eg at surfebrettet i dey minste skulle kome med eit operativsystem. For då kunne eg ha arbeidd skikkeleg i photoshop med meir. Og kanskke til og med installert Windows 7. Men neidå. Applikasjonar, applikasjonar og atter applikasjonar. Typisk Apple. iPadden har ingen andre eigenskapar enn kva telefonen min har. Jau, telefonen min har til og med kamera og moglegheiten for å ringe og sende sms. Surfebrettet er med andre ord ein stor iPod touch. Ikkje er det mogleg å multitaske med andre program enn Apple sine eigne. Ikkje noko stort sjokk der. Så om du skal chatte eller høre på Spotify kan du ikkje gjere andre ting samstundes, og må finne de i å stirre på Spotify sitt vindauge. Teit. I tillegg har den jo ingen hdmi, usb eller noko som helst. Så ein iPad har eg aldeles ikkje tenkt å betale fire- fem tusen for.

Og i tillegg så er det mange som har funne på en slik dings før, men av ein eller anna obskur grunn er det alltid Apple som får oppmerksemd og suksess.

Eg sat på bussen på veg til sjukehuset i dag og bestemte meg for å sjå ut vindauget, og va såg eg der? Jau, ein varebil frå eit byggjefirma. Ikkje berre var det eit utruleg oppfinnsamt firmanamn (det var heile namnet på han som starta firmaet, antagelegvis), men namnet, adresse og telefonnummer var skrive med Comic… Wait for it… Sans. Comic Sans. Æsj, kor stygt. Eg fattar virkeleg ikkje kvifor bedrifter vel Comic Sans. Er det for å appellere til femåringar? Er det for å virke hip og cool? Eller kanskje det verste: Er det fordi dei trur det er ei FIN skrift? Nei, altså det finst grense. Alle, til og med dei som ikkje er i mediabransjen, veit at om ein har lyst til å bli teke seriøst så skal ein aldeles ikkje bruke Comic Sans med mindre det er snakk om plakatar i barnehagen eller i amatørteikneseriar.

Etter å ha gått bortimot ein månad utan å tryne på isen så var det ei sjølvfølge at det måtte skje. På laurdag sklei eg to gongar, og eg føler meg mørbanka. Is er farleg, og eg forstend ikkje kva som gjer at dei ikkje kan strø litt grus på fortaua.

Uansett. Kjærasten meiner eg snart burde få meg mitt eige domene og slutte å snylte på han. Problemet er berre at eg ikkje veit kva eg skal velje. Eit domene må vere artig, kort, fengande og lett og hugse, samstundes som det skal vere ein liten peikepinne på kva bloggen (eller kva det måtte vere) handlar om. I tillegg er nesten alle dei gode namna brukt, og eg er ikkje av den kreative typen. Til og med etternamnet mitt er tatt. Eg som trudde eg hadde eit rart og lite brukt etternamn. Waage. Ikkje er det seriøse eller nyttige sider heller. Snakk om å øydeleggje for andre!

Nei, det skal ikkje vere lett.

Så. Etter inspirasjon frå Janthira, og fordi eg ikkje hadde noko betre å ta meg til har eg skrive ned ti fakta om meg. Enjoy.

1. Eg har ein hemmeleg draum om å vere anten lead singer eller gitarist i eit rockeband.

2. Eg har litt lyst til å bli fotograf

3. Eg har sinnsjuke forventningar til meg sjølv og blir lett skuffa.

4. Eg er veldig glad i sko og accessories.

5. Eg er ein av dei som ikkje tykkjer sylteagurk er noko stress.

6. Eg er eigentleg ganske glad i å spele Xbox. Då spesielt Halo saman med Malena.

7. Eg er litt nerd. Ikkje supernerd, men berre litt.

8. Eg skulle ynskje eg var supernerd.

9. Eg ser på alt for mange TV-seriar.

10. Eg har veldig lyst å vere pirat. Eller spele dottera til Captain Jack Sparrow i ein ny Pirates of the Caribbian.

No er det bekrefta. Eg treng brille. Heldigvis ikkje brille eg må bruke heile tida, men som eg helst bør bruke på skulen og når eg sit framfor datamaskina. Eg er nemlig litt nærsynt. 0,25 på begge auga. Ikkje så mykje, men nok til at det blir ekkelt å fokusere frå skulebok/pc-skjerm til tavle. I tillegg har det seg slik at eg har dårleg samsyn. Når eg fokuserar på noko, så nærast kryssar augene mine seg og det gjer det også litt ekkelt å sjå av og til. Og på grunn av det blir brilleglasa mykje dyrare. Typ 800 per stk. Wow. Brille er ganske dyrt for å vere så naudsynt.

Jaja. Vi satsar på at eg vinn 43 mill i vikinglotto i kveld.

Har bitt utfordra av Ingrid og tørr ikkje anna enn å ta utfordringa med eit smil (hehe). Tingen er at ein skal skrive eitt eller feire sitat som ein tykkjer er morosame og sende stafettkjeppen vidare. Eg sender kjeppen til Janthira.

Eg angrar at eg nokon gong har skrive eit bokmålsord. Eg lovar at det aldri skal hende meir. - Lars Amund Vaage

Dette sitatet har eg forøvrig på russekortet mitt, og eg tykkjer det er litt artig. Ikkje misforstå meg, eg har ingenting imot riksmålet.

Elles er eg veldig glad i sitat frå vår kjære Ibsen, men det skal eg spare dykk for og heller lime inn noko som kanskje ikkje er eit sitat (ikkje er det særleg artig heller), men ein del av ein songtekst.

We drown our doubts, in dry champagne, and soothe our souls with fine cocaine - Billy Joel

Er eg kul eller kva?

Eg og min kjære bestemte oss for å skaffe oss ein kattunge, sidan vi er katteelskarar begge to. Vi fann ei annonse i nytt i uka som såg bra ut, snakka med dama og fekk tilsendt eit bilete. Vi vart begge forelska med ein gong, sjølv om Bjørn eigentleg ikkje er særleg tilhengjar av langhåra kattar, som etter mi personlege meining er dei beste.

Sidan eg bur på hybel som ikkje er særleg kattevennleg, vart vi einige om at den lille rakkeren skal bo ute med Bjørn og kome på besøk til meg innimellom. I helga var han på hybelen min og såg faktisk ut til å trivast. Han låg stille og fint når eg og Bjørn spela Fable II, som forøvrig er eit knallspel!

Fin helg.

Det verste eg veit må nok vere kroppsøving. Det er det teitaste faget eg nokon gong har vore borti. Det er verre enn sløyd (og eg er ein veldig dårleg handarbeidar), og det er verre enn spansk og religion. Jau, kanskje til og med historie og politikk. Kroppsøving kunne i det minste ha vore valfritt, slik at sportsidiotane og dei andre som har behov for å røyve på seg får gjort det. Ikkje for oss andre som aldri har vore flink i idrett, og som får blåkular og senestrekk seg kvar einaste krø-time. Karakteren trekk ned gjennomsnittet og han er berre til bry. Dustefag, altså. Kanskje eg skal stille til val som utdanningsminister, så skal eg ta knekken på heile kroppsøvinga slik at INGEN får ha kroppsøving i det heile tatt. Mwahahaha. Trene kan ein vel gjere på fritida, den som vil.

Godt nyttår!